वलिदान दिवस स्वतन्त्रता सेनानी हेलेन लेप्चा स्मृति मञ्चमा पालन गरिने

गान्तोक,12 जुन। भारतभरिका गोर्खाहरूको सामाजिक उत्थान र विकासको निम्ति सदैव कार्यरत गोर्खाहरूको राष्ट्रिय छाता संगठन भारतीय गोर्खा परिसंघ (भागोप) को सिक्किम राज्य समितिको कार्य र भागोपको सैद्धान्तिक पक्षहरूलाई समेटेर प्रकाशित मुखपत्र सिक्किम परिसंघ अनि बल्ग डब्लु डब्लु डब्लु डट गोर्खासिक्किम डट ब्लगस्टप डट कम को शनिवार पूर्व जिल्लाको कार्यालय रानीपूलमा लोकार्पण गरियो।

नागाल्याण्डका पूर्व पुलिस महानिर्देशक तथा गृहसचिव सी पी गिरी अनि अर्जुन पुरस्कारले सम्मानित जसलाल प्रधानको बाहुलीबाट मुखपत्र अनि ब्लगको बिमोचन गरियो। भागोप सिक्किम शाखाले आफ्नो शाखा गठऩकालदेखि गरिएको पहलहरू तथा गोर्खा समुदायको हितमा उठाइएका आवाजहरूको दस्तावेजको रूपमा उक्त मुखपत्रमा समावेश गरिएको सम्पादक प्रवीण खालिङले सभामा जानकारी गराए।

विमोचन कार्यक्रम संगै कार्यकारी समितिको बैठक सम्पन्न भयो। जसमा आगामी 25 अगस्तमा राष्ट्रियस्तरमा पालन गरिने वलिदान दिवस पाकिममा पालन गरिने सभाले निर्णय गर्‍यो। यस अवसरमा राज्य अनि राष्ट्रिय स्तरमा उच्च माध्यमिक अनि माध्यमिक विद्यालयस्तरमा भारतको स्वातन्त्रता अनि गोर्खा समुदाय शिर्षकमा निबन्ध प्रतिगोगिता आयोजन गर्ने निधो गरियो।



यसै गरि महाविद्यालयस्तरमा भारतको स्वातन्त्रता अनि गोर्खा समुदाय शिर्षकमै पावर पोइन्ट प्रस्तुती प्रतियोगिता आयोजन गर्ने निधो गर्दै यसको निम्ति उपसमिति गठन गरियो। जसमा निबन्ध प्रतिगोगिताको निम्ति गोबरधन गुरूङ,जी आर गुरूङ अनि सागर राईलाई संयोजक नियुक्त गरियो भने पावर पोइन्टको निम्ति प्रवीण खालिङलाई संयोजक नियुक्त गरियो।

निबन्ध प्रतियोगिता राष्ट्रिय स्तरमा हुने भएकोले सिक्किममा तीन शिर्षस्थान ओगट्‌न सफल भएका निवन्धलाई देशको राजधानीमा हुने राष्ट्रिय प्रतिगोगिताको निम्ति सहभागि हुने मौका दिइऩेछ। माध्यमिक र उच्चतर माध्यमिक तहका इच्छुक विद्यार्थीहरूले 20 जुलाई भित्रमा भागोपले पाठशालामा पठाएको निम्तो पत्रमा उल्लेखित ठेगानामा आफ्नो रचना पठाउन सक्नेछन्‌। यसका साथै विजीय प्रतिभालाई नगद पुरस्कार सहित प्रमाण पत्र प्रदान गरिने छ।

सभाले आगामी बलिदान दिवसको अवसरमा सिक्किमकी स्वतन्त्र सेनानी हेलेन लेप्चा (सावित्री देवी) को नाममा मञ्च समर्पण गर्दै साबित्री देवी स्मृति मंचमा वलिदान दिवस पालन गर्ने तथा उनीसित सम्बन्धित दस्तावेज र सोध पत्र प्रस्तुत गर्ने निर्णय गरेको छ। यसैगरि आगामी बलिदान दिवसको अवसरमा गोर्खाहरूको राष्ट्रवादी भावनाले भरिएको गीति सँगालो पनि लोकार्पण गर्ने निर्णय लिएको छ।

यसको निम्ति सी के श्रेष्ठ अनि सी पी गिरीलाई संयोजक नियुक्त गरिएको छ। जसमा गोर्खा जागरण गीत सहित गोर्खाहरूको राष्ट्रभक्तिले ओतप्रोत गीतहरूको सँगालो लोकार्पण गरिने छ।



सिक्किम राज्य समिति अध्यक्ष डॉ. कमल गुरूङको अध्यक्षतामा बसेको सभामा आगामी जुलाई महिनाको पहिलो साता राज्यका शिक्षित युवा जमातलाई लिएर एउटा नेतृत्व विकास कार्यशाला आयोजन गर्ने निर्णय लिइयो। जसमा चालिसजना सचेत युवाहरूलाई समाज निर्माण र जातित्वको आधारमा नेतृत्व विकासमाथि चार दिवसीय प्रशिक्षण प्रदान गरिने छ। यसैगरि आजको सभाले सावित्री देवी शोध मञ्चको निम्ति प्रस्ताव ग्रहण गर्दै चॉंडै यो योजनालाई विस्तृत रूपमा छानवीन शुरू गर्ने निधो गरेको छ। यसैगरि भागोपका साधरण सदस्यहरूको सदस्यता नवीकरण गर्ने दिशामा अभियान चलाउने निधो गरेको छ।

यसैगरि सिक्किममा आयोजन गरिने 2012 को राष्ट्रिय त्रयवार्षिक महाअधिवेशको निम्ति सिक्किमले प्राथमिक चरणको तयारीको रूपरेखा निर्धारण गर्ने पहलमाथि व्यापक चर्चा गरियो। सभामा अध्यक्षीय सम्बोधन राख्ने क्रममा डॉ कमल गुरूङले भागोप सिक्किमले गरेको कार्यलाई पारदर्शी ढंगमा सार्वजनिक गर्ने तथा भागोपको फेडरल प्रारूपको अनुसार सिक्किमले आफ्नो निर्धारित कार्यक्रमहरू संचालीत गर्न मात्र होइन त्यसलाई दस्तावेजको रूपमा इतिहासको निम्ति खेस्रा तयार गर्न पनि यो मुखपत्र प्रकाशित गरेको बताए।

यसै गरि ब्लग मार्फत मुखपत्र पुग्न नसक्ने ठाउँकाहरूको निम्ति स्फट कपीको व्यावस्था होस भन्ने ध्येयले यो कार्य गरिएको बताए। प्रकाशित मुख पत्र नेपाली अनि अंग्रेजी भाषा

मा रहेको छ। सभामा स्वागत भाषण महासचिव एस पाण्डेले राखेका थिए भने बैठकको मुख्य उद्देश्यबारे र वर्तमान गतिविधिबारे कार्यकारी अध्यक्ष नारायण भट्टराईले विस्तृत जानकारी प्रस्तुत गरेका थिए।